21 лютага - Дзень роднай мовы
20.02.2020
Сэрца і талент краіны – у песнях!
Напярэдадні Дня роднай мовы ў ДУА “ Сярэдняя школа №1 г. Фаніпаля” адбылася літаратурна – музычная вечарына, прысвечаная творчасці Я.Купалы і Р.Барадуліна.
Паэзія Янкі Купалы і Рыгора Барадуліна стала крыніцай натхнення для многіх беларускіх кампазітараў. Не стаў выключэннем і Аляксандр Мікалаевіч Віслаўскі – вядомы кампазітар і выканаўца, музыкант і паэт. Ён працаваў у ансамблі «Песняры» пад кіраўніцтвам Уладзіміра Мулявіна з 1987 па 1991 гады піяністам, аранжыроўшчыкам і бэк-вакалістам. Аляксандр Мікалаевіч стварыў некалькі аўтарскіх праграм па творчасці Я.Купалы і Р.Барадуліна, якія паспяхова былі прадстаўлены як у нашай краіне, так і за яе межамі. А.Віслаўскі падчас запісу трэкаў іграе практычна на ўсіх інструментах: ад клавіш да бас-гітары і перкусіі. Выключэнне — акустычная скрыпка, на якой іграе яго жонка і пастаянная партнёрка Алена Віслаўская. Усе песні Аляксандр Віслаўскі спяваў з вялікай аддачай і натхненнем, чым і стварыў цёплую сяброўскую атмасферу. А Алена Віслаўская парадавала вучняў і настаўнікаў цудоўнешай ігрой на скрыпцы. Для ўдзельнікаў сустрэчы было важна адчуць, скіраваць свае думкі на тое, хто мы, адкуль родам, што ведаем пра сябе. Пад уражаннем шчырай размовы з цікавым творцам у сэрцах дзяцей захаваецца цяпло, пяшчота і любоў да роднага слова, да блізкіх людзей і родных мясцін. Дзякуй гасцям за сустрэчу з прыгожым паэтычным словам і цудоўнай музыкай Аляксандра Віслаўскага, які стварае такія песні! Іх сэрцамі і талентам жыве і спявае Беларусь.
Вучаніца 11 “А” класа, Чуеўская Анастасія